•► ಐಎಎಸ್ (UPSC) ಪರೀಕ್ಷೆ ತಯಾರಿಗಾಗಿ ದಿನನಿತ್ಯ ಓದಲು ಮಾದರಿಯಾಗಿ ಉತ್ತಮ ವೇಳಾಪಟ್ಟಿ. (the best model time table for IAS (upsc) exam preparation / the best schedule to prepare for the upsc exams)

•► ಐಎಎಸ್ (UPSC) ಪರೀಕ್ಷೆ ತಯಾರಿಗಾಗಿ ದಿನನಿತ್ಯ ಓದಲು ಮಾದರಿಯಾಗಿ ಉತ್ತಮ ವೇಳಾಪಟ್ಟಿ.
(the best model time table for IAS (upsc) exam  preparation / the best schedule to prepare for the upsc exams)
━━━━━━━━━━━━━━━━━━━━━/━━━━━━━━━━━━━━━━━━━━━
★ ಐಎಎಸ್ ಪರೀಕ್ಷೆ ತಯಾರಿ
(IAS Exam preparation)


ಕೆಲವು ಯುಪಿಎಸ್‌ಸಿ ಆಕಾಂಕ್ಷಿಗಳು ದಿನನಿತ್ಯ ಓದಲು ಉತ್ತಮ ವೇಳಾಪಟ್ಟಿ ಹಾಕಿಕೊಳ್ಳುವಲ್ಲಿ ಎಡುವುತ್ತಾರೆ. ಅಂತಹ ಅಭ್ಯರ್ಥಿಗಳಿಗೆ ಯಾವ ಸಬ್ಜೆಕ್ಟ್‌ ಯಾವಾಗ ಓದಬೇಕು, ಎಷ್ಟು ದಿನಕ್ಕೆ ಮುಗಿಸಬೇಕು, ಬರವಣಿಗೆ ಅಭ್ಯಾಸ ಮಾಡಲು ಸಮಯ ಹೇಗೆ ರೂಢಿಸಿಕೊಳ್ಳಬೇಕು? ಪರೀಕ್ಷಾ ದಿನಾಂಕದೊಳಗೆ ಪಠ್ಯಕ್ರಮ ಮುಗಿಸುವುದು ಹೇಗೆ? ಎಂಬ ಹಲವು ಗೊಂದಲಗಳು ಇರುತ್ತವೆ. ಈ ಎಲ್ಲಾ ಸಮಸ್ಯೆಗಳಿಗೆ ಇರುವ ಒಂದೇ ಪರಿಹಾರ ಎಂದರೆ ಉತ್ತಮ ವೇಳಾಪಟ್ಟಿ ಹಾಕಿಕೊಂಡು ಓದುವುದು.

ಅಭ್ಯರ್ಥಿಗಳು ಅವರವರ ಸಾಮರ್ಥ್ಯಕ್ಕೆ ತಕ್ಕಂತೆ, ಅಗತ್ಯಕ್ಕೆ ತಕ್ಕಂತೆ ವೇಳಾಪಟ್ಟಿ ಹಾಕಿಕೊಂಡು ಓದಬಹುದು. ಆದರೆ ಉತ್ತಮ ವೇಳಾಪಟ್ಟಿಗಾಗಿ ಬಯಸುವವರಿಗೆ ಮಾದರಿಯಾಗಿ ಇಲ್ಲಿ ಒಂದು ವೇಳಾಪಟ್ಟಿಯನ್ನು ನೀಡಲಾಗಿದೆ. ಅಭ್ಯರ್ಥಿಗಳಿಗೆ ಇಚ್ಛಿಸಿದಲ್ಲಿ ಈ ಟೈಮ್‌ ಟೇಬಲ್‌ ಅನ್ನು ಫಾಲೋ ಮಾಡಬಹುದು.

• ಯುಪಿಎಸ್‌ಸಿ ತಯಾರಿಗೆ ವೇಳಾಪಟ್ಟಿ
━━━━━━━━━━━━━━━━━
1. ರೌಂಡ್‌ - 1 : ಬೆಳಿಗ್ಗೆ 8 ಗಂಟೆಯಿಂದ 11 ಗಂಟೆವರೆಗೆ ದಿನಪತ್ರಿಕೆಗಳು ಮತ್ತು ಯಾವುದಾದರೂ ಒಂದು ಸಬ್ಜೆಕ್ಟ್ ಓದುವುದು

ನಂತರ 10 ರಿಂದ 20 ನಿಮಿಷ ಬ್ರೇಕ್‌ ತೆಗೆದುಕೊಳ್ಳಿ.

2. ರೌಂಡ್‌ - 2: ಬೆಳಿಗ್ಗೆ 11-20 ರಿಂದ ಮಧ್ಯಾಹ್ನ 2 ಗಂಟೆ ವರೆಗೆ ಓದುವುದು.

ಸ್ವಲ್ಪ ಸಮಯ ಮಧ್ಯಾಹ್ನದ ಊಟಕ್ಕೆ ಮತ್ತು ಫನ್‌ ಆಕ್ಟಿವಿಟಿಗಳಿಗಾಗಿ ಬ್ರೇಕ್‌ ತೆಗೆದುಕೊಳ್ಳಿ.

3. ರೌಂಡ್‌ - 3 : ಮಧ್ಯಾಹ್ನ 03 ಗಂಟೆಯಿಂದ ಸಂಜೆ 06 ಗಂಟೆವರೆಗೆ ಓದುವುದು.


ಸ್ವಲ್ಪ ಸಮಯ ವಾಕ್‌ ಮತ್ತು ವರ್ಕೌಟ್‌ ಮಾಡಿ.


4. ರೌಂಡ್‌ - 4 : ಸಂಜೆ 07 ರಿಂದ ರಾತ್ರಿ 10 ರವರೆಗೆ ಓದುವುದು.

ನಂತರ ಊಟಕ್ಕೆ ಬ್ರೇಕ್‌ ತೆಗೆದುಕೊಳ್ಳಿ.


ಕೊನೆಯ ರೌಂಡ್‌ ಆಗಿ ರಾತ್ರಿ 10-30 ರಿಂದ 12 ಅಥವಾ 12-30 ರವರೆಗೆ ಪ್ರಚಲಿತ ವಿದ್ಯಮಾನಗಳ ಕಡೆ ಗಮನಹರಿಸಬಹುದು. ಅಥವಾ Rajya Sabha Tv ಯಲ್ಲಿ ಚರ್ಚೆ ನೋಡಬಹುದು ಅಥವಾ ಇತರೆ ಏನಾದರೂ ಓದಬಹುದು.



• ವಿಶೇಷ ಗಮನಕ್ಕಾಗಿ
━━━━━━━━━
ಪ್ರಿಲಿಮ್ಸ್‌ ಮತ್ತು ಮುಖ್ಯ ಪರೀಕ್ಷೆ ದಿನಾಂಕಗಳ ನಡುವೆ ಕಡಿಮೆ ಅವಧಿ ಇದ್ದಾಗ 3 ರಿಂದ 4 ಗಂಟೆಗಳ ಕಾಲ ಮುಖ್ಯ ಪರೀಕ್ಷೆಗೆ ಸಮಯ ನೀಡುವುದು ಉತ್ತಮ. ಇದರಿಂದ ತಯಾರಿಯಲ್ಲಿ ಉತ್ತಮ ಬ್ಯಾಲೆನ್ಸ್‌ ಸಾಧ್ಯ.

ಹೆಚ್ಚು ಕೂತು ಓದುವುದರಿಂದ ಫನ್‌, ವರ್ಕೌಂಟ್‌, ಆರೋಗ್ಯದಲ್ಲಿ ಸಮತೋಲನ ಕಾಪಾಡಿಕೊಳ್ಳುವುದು, ನಿಯಮಿತ ಆಹಾರ ಮತ್ತು ನೀರು ಎಲ್ಲವುಗಳ ಕಡೆ ಗಮನ ಹರಿಸಬೇಕು.



• 2020 UPSC ಪರೀಕ್ಷೆ ಪಾಸ್‌ಗೆ ಮೊದಲ ಬಾರಿ ಪರೀಕ್ಷೆ ಬರೆಯುವವರ ಅಧ್ಯಯನ ಹೇಗಿರಬೇಕು? ━━━━━━━━━━━━━━━━━━━━━━━━━━━━━━━━━━━━━━━━━━

NCERT ಬೇಸಿಕ್ ಪುಸ್ತಕಗಳನ್ನು ಪದೇ ಪದೇ ಓದಿ ಯಾವುದೇ ಮಾಹಿತಿಗಳನ್ನು ಆಳವಾಗಿ ಅರ್ಥ ಮಾಡಿಕೊಳ್ಳಿ. ಬೇಸಿಕ್ ಕಾನ್‌ಸೆಪ್ಟ್‌ ಮತ್ತು ಸ್ಟ್ಯಾಂಡರ್ಡ್‌ ಬುಕ್‌ಗಳನ್ನು ಮೊದಲು ಓದುವುದನ್ನು ಮರೆಯಬೇಡಿ.

ದಿನನಿತ್ಯ ಮರೆಯದಂತೆ, ಲೇಜಿನೆಸ್‌ ತೋರಿಸದೇ ದಿನಪತ್ರಿಕೆಗಳನ್ನು ಫಾಲೋ ಮಾಡಬೇಕು. ರಾಷ್ಟ್ರೀಯ ಪತ್ರಿಕೆಗಳಾದ ಟೈಮ್ಸ್‌ ಆಫ್ ಇಂಡಿಯಾ, ದಿ ಹಿಂದು ಪತ್ರಿಕೆಗಳನ್ನು ಓದುವುದು ಸೂಕ್ತ. ಧಾರ್ಮಿಕ ವಿಷಯಗಳಿಗೆ ಸಂಬಂಧಿಸಿದಂತೆ ಸಹ ಪ್ರಚಲಿತ ಘಟನೆಗಳ ಬಗ್ಗೆ ಅರ್ಥ ಮಾಡಿಕೊಳ್ಳಬೇಕು.

ದಿನನಿತ್ಯ ವೆಬ್‌ಸೈಟ್‌ಗಳಾದ Insightonindia, forumias, iasbaba ಕ್ಕೆ ಭೇಟಿ ನೀಡಿ. ಇಲ್ಲಿ ಡೈಲಿ ಬೇಸಿಸ್ ಪ್ರಶ್ನೆಗಳು ಮತ್ತು ಉತ್ತರಗಳು, ಪ್ರಚಲಿತ ವಿದ್ಯಮಾನಗಳ ಬಗ್ಗೆ ತಿಳಿಯಬಹುದು. ಯುಪಿಎಸ್‌ಸಿ ಗೆ ಅನುಕೂಲವಾಗುವಂತೆ ನಿಮ್ಮ ಅಭಿಪ್ರಾಯಗಳನ್ನು ಅವಲೋಕನ ಮಾಡಿ.

ಮುಖ್ಯ ಪರೀಕ್ಷೆಗಾಗಿ ಐಚ್ಛಿಕ ವಿಷಯವನ್ನು ಡಿಸೈಡ್ ಮಾಡಿ. ಇದು ನಿಮ್ಮ ಪದವಿ ಹಂತದ ವಿಷಯವೇ ಆಗಿದ್ದರೆ ಮತ್ತೊಮ್ಮೆ ಸಂಪೂರ್ಣ ಪಠ್ಯಕ್ರಮವನ್ನು ಓದಿರಿ. ಕಾಲೇಜು ಗ್ರಂಥಾಲಯ ಮತ್ತು ನಿಮ್ಮ ಪದವಿ ಪ್ರೊಫೆಸರ್‌ಗಳ ಸಹಾಯ ಪಡೆದು ಇನ್ನಷ್ಟು ಆ ವಿಷಯದ ಬಗ್ಗೆ ಮಾಹಿತಿ ಕಲೆಹಾಕಿ. ಹಿಂದಿನ ಐದು ವರ್ಷಗಳ ಪ್ರಶ್ನೆ ಪತ್ರಿಕೆಗಳನ್ನು ಬಗೆಹರಿಸಿ.

ಮೊದಲಿಗೆ ಪಠ್ಯಕ್ರಮದ ಎಲ್ಲಾ ವಿಭಾಗಗಳನ್ನು ಪೂರ್ಣವಾಗಿ ಓದಿಕೊಳ್ಳಬೇಕು. ಅದಕ್ಕಾಗಿ ನಿರ್ಧಿಷ್ಟ ಸಮಯವನ್ನು ನೀಡಿ, ನಿಗದಿತ ಸಮಯದೊಳಗೆ ಓದಿ ಮುಗಿಸಿ. ಸಿಲ್ಲಾಬಸ್ ಪ್ರಕಾರ ಒಮ್ಮೆ ಓದಿ ಮುಗಿಸಿದ ನಂತರ, ದಿನನಿತ್ಯ ಒಂದು ಅಥವಾ ಎರಡು ಪ್ರಶ್ನೆಗಳಿಗೆ ಉತ್ತರಿಸಿ. ಮೇಲೆ ತಿಳಿಸಿದ ವೆಬ್‌ಸೈಟ್‌ಗಳಲ್ಲಿ ದಿನನಿತ್ಯ ಕ್ವಿಜ್‌ ಅಟೆಂಡ್‌ ಮಾಡಿರಿ. ಪೂರ್ವ ಪರೀಕ್ಷೆಗೂ ಅತ್ಯುತ್ತಮ ತಯಾರಿ ನಡೆಸಬಹುದು.

ಸಿವಿಲ್ ಸೇವೆ ಪರೀಕ್ಷೆಗೆ ಓದುವವರು ಯುಪಿಎಸ್‌ಸಿ ಪಠ್ಯಕ್ರಮವನ್ನು ಮತ್ತು ಹಿಂದಿನ ವರ್ಷಗಳ ಪ್ರಶ್ನೆ ಪತ್ರಿಕೆಗಳನ್ನು ಮುಖ್ಯವಾಗಿ ಸದಾ ನಿಮ್ಮ ಓದುವ ಟೇಬಲ್‌ ಮೇಲೆ ಇಟ್ಟು ಕೊಂಡಿರಿ. ಸಿದ್ಧತೆ ಇವುಗಳ ಸುತ್ತವೇ ಹೆಚ್ಚು ಸುತ್ತುತ್ತಿರಬೇಕು.

ದೈನಂದಿನ ವೇಳಾಪಟ್ಟಿಯನ್ನು ತಪ್ಪದೇ ಅಂದೇ ಪೂರ್ಣಗೊಳಿಸಿ.

ಈ ಮೇಲಿನ ತಂತ್ರಗಳು ಉಪಯೋಗವಾಗಬಹುದು.
(Courtesy : ವಿಜಯ ಕರ್ನಾಟಕ)