ಸಾರ್ಕ್‌ನ ಮುಖ್ಯ ಉದ್ದೇಶಗಳು, ಮತ್ತು ಅದರ ಸಚಿವಾಲಯದ ಕಾರ್ಯಗಳು ಯಾವವು? ಸಾರ್ಕ್ ಕಾರ್ಯಪಡೆಗಳಾವುವು?

☀ ಸಾರ್ಕ್‌ನ ಮುಖ್ಯ ಉದ್ದೇಶಗಳಾವವು?
(What are the main objectives of SAARC?)


♠.ದಕ್ಷಿಣ ಏಶಿಯಾ ಜನತೆಯ ಕಲ್ಯಾಣಾಭಿವೃದ್ಧಿ ಮೂಲಕ ಜನಜೀವನ ಮಟ್ಟ ಉತ್ತಮ ಪಡಿಸುವುದು.
* ಈ ವಲಯದಲ್ಲಿ ಆರ್ಥಿಕ ಅಭಿವೃದ್ಧಿ, ಸಾಮಾಜಿಕ ಪ್ರಗತಿ ಸಾಂಸ್ಕೃತಿಕ ಉನ್ನತಿ ವರ್ಧಿಸುವುದು ಮತ್ತು ಪ್ರತಿಯೊಬ್ಬ ವ್ಯಕ್ತಿಯೂ ತನ್ನ ಸಾಮರ್ಥ್ಯವನ್ನು ಅರಿತು, ಗೌರವಯುತ ಬಾಳ್ವೆ ನಡೆಸಲು ಅವಕಾಶ ಕಲ್ಪಿಸುವುದು.
* ದಕ್ಷಿಣ ಏಶಿಯಾ ದೇಶಗಳ ನಡುವೆ ಒಟ್ಟಾರೆ ಸ್ವಾವಲಂಬನೆ ಬಲಪಡಿಸುವುದು.
* ಪರಸ್ಪರ ನಂಬಿಕೆಗಳನ್ನು ಗೌರವಿಸಿ, ಇತರರ ಸಮಸ್ಯೆಗಳನ್ನು ಅರಿತು ನಿವಾರಣೆಗೆ ನೆರವಾಗುವುದು.
* ಆರ್ಥಿಕ, ಸಾಮಾಜಿಕ, ಸಾಂಸ್ಕೃತಿಕ, ತಾಂತ್ರಿಕ ಮತ್ತು ವೈಜ್ಞಾನಿಕ ಕ್ಷೇತ್ರದಲ್ಲಿ ಪರಸ್ಪರ ಸಕ್ರಿಯ ಸಹಯೋಗ, ಸಹಕಾರ ಹೆಚ್ಚಿಸುವುದು.
* ಅಭಿವೃದ್ಧಿ ಹೊಂದುತ್ತಿರುವುದು ಇತರ ದೇಶಗಳ ಜತೆಗಿನ ಸಹಕಾರ ಹೆಚ್ಚಿಸುವುದು.
* ಸಾಮಾನ್ಯ ಹಿತಾಸಕ್ತಿ ವಿಚಾರಗಳ ಬಗ್ಗೆ ಅಂತಾರಾಷ್ಟ್ರೀಯ ವೇದಿಕೆಗಳಲ್ಲಿ ದೇಶಗಳ
ನಡುವಿನ ಸಹಕಾರ ವರ್ಧಿಸುವುದು.
* ಇಂತಹದೇ ಧ್ಯೇಯೋದ್ಧೇಶಗಳನ್ನು ಹೊಂದಿದ ಪ್ರಾದೇಶಿಕ ಮತ್ತು ಅಂತಾರಾಷ್ಟ್ರೀಯ
ಸಂಘಟನೆಗಳ ಜತೆ ಸಹಕಾರ ಹೊಂದುವುದು.



☀ ಸಾರ್ಕ್ ಸಚಿವಾಲಯದ ಕಾರ್ಯಗಳೇನು?
(What are the functions of the Ministry of SAARC ?)

♠.ಸಾರ್ಕ್ ಸಚಿವಾಲಯ ನೇಪಾಳದ ಕಠ್ಮಂಡುವಿನಲ್ಲಿದೆ.

♠.ಇದು ಸಾರ್ಕ್ ದೇಶಗಳ ನಡುವೆ ಹಾಗೂ ಇತರ ವಲಯಗಳ ನಡುವೆ ಸಂಪರ್ಕ ಸೇತುವಾಗಿ ಕಾರ್ಯ ನಿರ್ವಹಿಸುತ್ತದೆ.
♠.ಸಾರ್ಕ್‌ನ ಚಟುವಟಿಕೆ ಹಾಗೂ ಅವುಗಳ ಅನುಷ್ಠಾನಗಳ ಬಗೆಗಿನ ಉಸ್ತುವಾರಿಯಲ್ಲಿ
ಸಹಕಾರ ಸಹಯೋಗ ನೀಡುತ್ತದೆ.

♠.ಸಚಿವಾಲಯಕ್ಕೆ ಮಹಾಕಾರ್ಯ ದರ್ಶಿಗಳೇ ಮುಖ್ಯಸ್ಥರು.
♠.ಸದಸ್ಯ ರಾಷ್ಟ್ರಗಳ ಸಚಿವರ ಮಂಡಳಿ ಮೂರು ವರ್ಷಗಳ ಅವಧಿಗಾಗಿ ಮಹಾ ಕಾರ್ಯದರ್ಶಿಯನ್ನು ನೇಮಕ ಮಾಡುತ್ತದೆ.
♠.ಡಿಸೆಂಬರ್ 8ನ್ನು "ಸಾರ್ಕ್ ಸನ್ನದು ದಿನ"ವನ್ನಾಗಿ ಆಚರಿಸಲಾಗುತ್ತದೆ.

♠.ಪ್ರಸ್ತುತ ಸಾರ್ಕ್ ನ ಮಹಾಕಾರ್ಯದರ್ಶಿ: ಅರ್ಜುನ್ ಬಹದ್ದೂರ್ ಥಾಪಾ (1 March 2014 ರಿಂದ (ಪ್ರಸ್ತುತ)



☀ ಸಾರ್ಕ್ ಕಾರ್ಯಪಡೆಗಳಾವುವು?
(What are the functions of SAARC Task Forces?)

♠.ಆಯಾ ಕಾರ್ಯಪಡೆಗಳು, ನಿರ್ಧಿಷ್ಟ ಪಡಿಸಿದ ವಲಯದಲ್ಲಿ ಕಾರ್ಯಕ್ರಮಗಳನ್ನು
ರೂಪಿಸಿ ಸಾರ್ಕ್ ಚೌಕಟ್ಟಿನಲ್ಲಿ ಅವು ಅನುಷ್ಠಾನಗೊಳ್ಳುವಂತೆ ನಿಗಾ ವಹಿಸುತ್ತವೆ.
ಕಾರ್ಯಕ್ರಮಗಳ ಮೌಲ್ಯಮಾಪನವನ್ನು ಮಾಡುತ್ತವೆ

♠.ವಿವಿಧ ವಲಯಗಳಲ್ಲಿ ಕೆಲಸ ನಿರ್ವಹಿಸುತ್ತಿರುವ ಕಾರ್ಯ ಪಡೆಗಳ ವಿವರ ಈ ಮುಂದಿನಂತಿದೆ.
♠.- ಜೈವಿಕ ತಂತ್ರಜ್ಞಾನ ಕಾರ್ಯಪಡೆ
♠.- ಇಂಧನ ಕಾರ್ಯಪಡೆ
♠.- ಮಾಹಿತಿ ಮತ್ತು ಸಂವಹನ ತಂತ್ರಜ್ಞಾನ ಕಾರ್ಯಪಡೆ
♠.- ಪ್ರವಾಸೋದ್ಯಮ ಕಾರ್ಯಪಡೆ



☀ ಸಾರ್ಕ್‌ನ ಪ್ರಾದೇಶಿಕ ಕೇಂದ್ರಗಳಾವುವು?
(What are the SAARC's regional centers?

♠.ಸಾರ್ಕ್ ಸಚಿವಾಲಯವು ಪ್ರಾದೇಶಿಕ ಸಹಕಾರಕ್ಕಾಗಿ ಸದಸ್ಯ ರಾಷ್ಟ್ರಗಳಲ್ಲ್ಲಿ ಪ್ರಾದೇಶಿಕ
ಕೇಂದ್ರಗಳನ್ನು ಹೊಂದಿದೆ.

♠.ಈ ಕೇಂದ್ರಗಳು ಸದಸ್ಯ ರಾಷ್ಟ್ರಗಳ ಪ್ರತಿನಿಧಿಗಳು ಸಾರ್ಕ್ ಮಹಾ ಕಾರ್ಯದರ್ಶಿ, ಆತಿಥೇಯ ಸರ್ಕಾರದ ವಿದೇಶಾಂಗ ಸಚಿವಾಲಯದ ಪ್ರತಿನಿಧಿಗಳು ಇರುವ ಆಡಳಿತ ಮಂಡಳಿಯಿಂದ ನಿರ್ವಹಿಸಲ್ಪಡುತ್ತವೆ.

♠.- ಸಾರ್ಕ್ ಕೃಷಿ ಕೇಂದ್ರ ಇರುವ ಸ್ಥಳ (SAARC Agricultural Centre (SAC)) : ಢಾಕಾ.

♠.- ಸಾರ್ಕ್‌ಹವಾಮಾನ ಸಂಶೋಧನಾ ಕೇಂದ್ರ ಇರುವ ಸ್ಥಳ (SAARC Meteorological Research Centre (SMRC)): ಢಾಕಾ.

♠.- ಸಾರ್ಕ್ ಟಿಬಿ ನಿರ್ವಹಣ ಕೇಂದ್ರ ಇರುವ ಸ್ಥಳ (SAARC Tuberculosis and HIV/AIDS Centre (STAC)) : ಕಠ್ಮಂಡು.

♠.- ಸಾರ್ಕ್ ದಾಖಲಾತಿ ಕೇಂದ್ರ ಇರುವ ಸ್ಥಳ (SAARC Documentation Centre (SDC)) : ನವದೆಹಲಿ.

♠.- ಸಾರ್ಕ್ ಮಾನವ ಸಂಪನ್ಮೂಲ ಅಭಿವೃದ್ಧಿ ಕೇಂದ್ರ ಇರುವ ಸ್ಥಳ (SAARC Human Resources Development Centre (SHRDC) :
ಇಸ್ಲಾಮಾಬಾದ್.

♠.- ಸಾರ್ಕ್ ಕರಾವಳಿ ವಲಯ ನಿರ್ವಹಣಾ ಕೇಂದ್ರ ಇರುವ ಸ್ಥಳ (SAARC Coastal Zone Management Centre (SCZMC)) : ಮಾಲ್ಡೀವ್ಸ್.

♠.- ಸಾರ್ಕ್ ಮಾಹಿತಿ ಕೇಂದ್ರ ಇರುವ ಸ್ಥಳ (SAARC Information Centre (SIC)) : ನೇಪಾಳ.

♠.- ಸಾರ್ಕ್ ಇಂಧನ ಕೇಂದ್ರ ಇರುವ ಸ್ಥಳ (SAARC Energy Centre (SEC))
: ಪಾಕಿಸ್ತಾನ.

♠.- ಸಾರ್ಕ್ ಪ್ರಕೋಪ/ದುರಂತ ನಿರ್ವಹಣಾ ಕೇಂದ್ರ ಇರುವ ಸ್ಥಳ (SAARC Disaster Management Centre (SDMC)) : ಭಾರತ.

♠.- ಸಾರ್ಕ್ ಅರಣ್ಯಾಭಿವೃದ್ಧಿ ಕೇಂದ್ರ ಇರುವ ಸ್ಥಳ (SAARC Forestry Centre (SFC)) : ಭೂತಾನ್.

♠.- ಸಾರ್ಕ್ ಸಾಂಸ್ಕೃತಿಕ ಕೇಂದ್ರ ಇರುವ ಸ್ಥಳ (SAARC Cultural Centre (SCC)) : ಶ್ರೀಲಂಕಾ.