★ ಐಜಿಎಲ್ ಸುರಕ್ಷಾ (IGL Suraksha) ಯೋಜನೆ ಕುರಿತು ಚರ್ಚಿಸಿ. ( (100 ಶಬ್ಧಗಳಲ್ಲಿ)

★ ಐಜಿಎಲ್ ಸುರಕ್ಷಾ (IGL Suraksha) ಯೋಜನೆ ಕುರಿತು ಚರ್ಚಿಸಿ. ( (100 ಶಬ್ಧಗಳಲ್ಲಿ)


*. ಐಜಿಎಲ್ ಸುರಕ್ಷಾ (IGL Suraksha) ಯೋಜನೆ :
ಸಂಕುಚಿತ ನೈಸರ್ಗಿಕ ಅನಿಲ (Compressed Natural Gas) ಆಧಾರಿತ ದೆಹಲಿ ಸಾರ್ವಜನಿಕ ಸಾರಿಗೆ ವ್ಯವಸ್ಥೆ ಚಾಲಕರಿಗಾಗಿ ಗುಂಪು ವಿಮೆ ಕಲ್ಪಿಸುವ ಐಜಿಎಲ್ ಸುರಕ್ಷಾ ಯೋಜನೆಗೆ 2013 ರಲ್ಲಿ ದೆಹಲಿಯಲ್ಲಿ ಚಾಲನೆ ನೀಡಲಾಯಿತು. ಇಂದ್ರಪ್ರಸ್ಥ ಗ್ಯಾಸ್ ಲಿಮಿಟೆಡ್ (ಐಜಿಎಲ್) ಮತ್ತು ದೆಹಲಿ ಸಾರಿಗೆ ಸಂಸ್ಥೆ ಈ ಕಾರ್ಯಕ್ರಮವನ್ನು ಆಯೋಜಿಸಿದ್ದವು.


★ ಯೋಜನೆಯ ಬಗ್ಗೆ:

*.ಇಂದ್ರಪ್ರಸ್ಥ ಗ್ಯಾಸ್ ಲಿಮಿಟೆಡ್ ತನ್ನ ಸಿಎಸ್ಆರ್ ಕಾರ್ಯಕ್ರಮದಡಿ ಈ ಯೋಜನೆಯನ್ನು ಜಾರಿಗೊಳಿಸುತ್ತಿದೆ.

*.ಅಪಘಾತ ದುರಂತದಲ್ಲಿ ಮಡಿದ ಚಾಲಕರ ಕುಟುಂಬಕ್ಕೆ ಈ ಯೋಜನೆಯಡಿ
1.5 ಲಕ್ಷ ರೂಗಳನ್ನು ನೀಡಲಾಗುತ್ತದೆ. ಜತೆಗೆ ಚಾಲಕನ ಮಕ್ಕಳ ವಿದ್ಯಾಭ್ಯಾಸಕ್ಕೆಂದು ರೂ 25, 000 ಗಳನ್ನು ನೀಡಲಾಗುತ್ತದೆ. ಗರಿಷ್ಠ ಎರಡು ಮಕ್ಕಳಿಗೆ ಈ ಯೋಜನೆಯಡಿ ಸಹಾಯ ದೊರೆಯಲಿದೆ. ಅಂದರೆ 50,000 ರೂಗಳು.

*.ಒಂದು ವೇಳೆ ಅಪಘಾತದಲ್ಲಿ ಮೂಳೆ ಮುರಿತಕ್ಕೊಳಗಾದರೆ ಅಥವಾ ತೀವ್ರ ತರನಾದ ಗಾಯಗಳಾದರೆ ಕನಿಷ್ಠ 10, 000 ರೂಗಳಿಂದ 75,000 ರೂಗಳ ವರೆಗೆ ಚಿಕಿತ್ಸೆ ಭತ್ಯೆಯನ್ನು ನೀಡಲಾಗುವುದು. ಅಪಘಾತದ ವೇಳೆ ಶಾಶ್ವತ ಊನ ಸ್ಥಿತಿಗೆ ಒಳಗಾಗಿ ಉದ್ಯೋಗ ಕಳೆದುಕೊಂಡರೆ ಗರಿಷ್ಠ ಮೊತ್ತವನ್ನು ಪರಿಹಾರ ಧನವನ್ನಾಗಿನೀಡಲಾಗುವುದು.

*.ವಿಮೆಯ ಪ್ರಿಮಿಯಂ ಖರ್ಚನ್ನು ಐಜಿಎಲ್ ಭರಿಸಲಿದೆ. ಯೋಜನೆಯ ಅನುಷ್ಟಾನವನ್ನು ಓರಿಯಂಟಲ್ ಇನ್ ಶ್ಯೂರೆನ್ಸ್ ಸಂಸ್ಥೆಗೆ ನೀಡಲಾಗಿದೆ. ಇದೊಂದು ಸಂಪೂರ್ಣ ಉಚಿತ ಮತ್ತು ಸರಳ ವಿಮಾ ವ್ಯವಸ್ಥೆ ಎನ್ನಲಾಗಿದೆ.