•► ಅವನತಿಯತ್ತ ಹಲವು ಜೀವ ಪ್ರಭೇದ (2019ರ ಸಮೀಕ್ಷೆಯಂತೆ) (Declining Many Species)

•► ಅವನತಿಯತ್ತ ಹಲವು ಜೀವ ಪ್ರಭೇದ (2019ರ ಸಮೀಕ್ಷೆಯಂತೆ)
(Declining Many Species)
━━━━━━━━━━━━━━━━━━━━━━━━━━━━━━

ನಗರಗಳ ಮೇಲಿನ ಮಾನವನ ವ್ಯಾಮೋಹದಿಂದಾಗಿ ಅನೇಕ ಜಾತಿಯ ಪ್ರಾಣಿ, ಪಕ್ಷಿಗಳು ಅವನತಿಯಂಚಿನಲ್ಲಿದೆ. ಸಸ್ತನಿ , ಸರೀಸೃಪ , ಉಭಯಚರ, ಕೀಟ, ಮೀನು ಸಹಿತ ಲೆಕ್ಕಕ್ಕೆ ಸಿಗ ದಷ್ಟು ಪ್ರಭೇದಗಳು ಕಣ್ಮರೆಯಾಗುತ್ತಿದೆ.

·  ಐದು ಜಾತಿಯ ಪ್ರಭೇದಗಳಲ್ಲಿ ವರ್ಷದಲ್ಲಿ ನಾವು ಒಂದನ್ನು ಕಳೆದುಕೊಳ್ಳುತ್ತಿದ್ದೇವೆ.

·  ಒಟ್ಟು 1,000 ದಿಂದ 10,000 ಸಾವಿರ ಪ್ರಭೇದಗಳನ್ನು ವಾರ್ಷಿಕವಾಗಿ ಕಳೆದುಕೊಳ್ಳುತ್ತಿದ್ದೇವೆ ಎಂದು ಸಂಶೋಧನೆಗಳು ತಿಳಿಸಿವೆ.

·  ಕಳೆದ 28 ವರ್ಷಗಳಲ್ಲಿ ಕೀಟಗಳ ಪ್ರಮಾಣ ಶೇ. 75ರಷ್ಟು ಕಡಿಮೆಯಾಗಿದ್ದು, ಇದ ರಿಂದ ಶೇ. 60ರಷ್ಟು ಪಕ್ಷಿಗಳಿಗೆ ಸಿಗುವ ಆಹಾರದ ಪ್ರಮಾಣ ಕಡಿಮೆಯಾಗಿದೆ.

·  ಆವಾಸ ಸ್ಥಾನಗಳ ನಾಶ, ಶೋಷಣೆ ಮತ್ತು ಹವ ಮಾನ ಬದಲಾವಣೆಯಿಂದ ವಿಶ್ವದ ಕಾಡು ಪ್ರಾಣಿ ಗಳು ಪ್ರಸ್ತುತ ಅರ್ಧ ದಷ್ಟು ಕಡಿಮೆಯಾಗಿದೆ.

·  ವಿಶ್ವದಾದ್ಯಂತ ವಾರ್ಷಿಕವಾಗಿ ಮೀನುಗಾರಿಕೆ ಮತ್ತು ಇನ್ನಿತರ ಕಾರಣಗಳಿಂದ ಸಮುದ್ರದಲ್ಲಿರುವ 6,50,000ಕ್ಕೂ ಹೆಚ್ಚು ಪ್ರಭೇದಗಳು ನಾಶಗೊಂಡಿವೆೆ.

·  20 ವರ್ಷಗಳಲ್ಲಿ ಡಾಲ್ಫಿನ್‌ಗಳ ಪ್ರಮಾಣ ಶೇ.65, ಪಿನ್ನಿ ಪೆಡ್‌(ಸಮುದ್ರ ಸಿಂಹಗಳು) ಮತ್ತು ಹಲ್ಲಿನ ತಿಮಿಂಗಿಲಗಳ ಪ್ರಮಾಣ ಶೇ. 75ರಷ್ಟು ಕಡಿಮೆಯಾಗಿದೆ.

·  ವಿಶ್ವದ ಪಕ್ಷಿ ಪ್ರಭೇದಗಳಲ್ಲಿ ಶೇ. 40ರಷ್ಟು ಕಡಿಮೆಯಾಗಿದೆ. ವಾರ್ಷಿಕವಾಗಿ 8 ಪ್ರಭೇದಗಳಲ್ಲಿ 1 ಪ್ರಭೇದ ಅಳಿವಿನಂಚಿನಲ್ಲಿದೆ.

·  ಹುಲಿ, ಚಿರತೆ ಮತ್ತು ಬೆಕ್ಕುಗಳ ಪ್ರಮಾಣ ಕಡಿಮೆಯಾಗುತ್ತಿದ್ದು, ಮುಂದಿನ ದಶಕಗಳಲ್ಲಿ ಇದರ ಪ್ರಮಾಣ ಇನ್ನಷ್ಟು ಕಡಿಮೆಯಾಗಲಿದೆ ಎಂಬು ದನ್ನು ಸಂಶೋಧನೆಗಳು ಸ್ಪಷ್ಟಪಡಿಸಿದೆ.

·  ಬೆಕ್ಕು, ಖಡ್ಗಮೃಗ ಮತ್ತು ಇತರ ಪ್ರಾಣಿಗಳ ಚರ್ಮ ಮತ್ತು ದೇಹದ ಭಾಗಗಳನ್ನು ಬಳಸಿಕೊಳ್ಳುತ್ತಿರುವ ಚೀನಾ ವಿಶ್ವದ ಅತಿ ದೊಡ್ಡ ಮಾರುಕಟ್ಟೆಯಾಗಿದೆ.

·  ಹಲ್ಲಿಗಳ ಜನನದ ಪ್ರಮಾಣ ಹವಮಾನ ಬದಲಾವಣೆಯಿಂದಾಗಿ ಕಡಿಮೆಯಾಗತ್ತಿದ್ದು, ಇತ್ತೀ ಚಿನ ಅಧ್ಯಯನಗಳ ಪ್ರಕಾರ ಶೇ. 40ರಷ್ಟು ಹಲ್ಲಿ ಗಳು ನಾಶವಾಗಿವೆ. 2080ರ ಹೊತ್ತಿಗೆ ಈ ಜಾತಿಯೇ ನಿರ್ನಾಮಗೊಳ್ಳುತ್ತದೆ ಎನ್ನಲಾಗಿದೆ.

·  ಲಕ್ಷಾಂತರ ಸಂಖ್ಯೆಯಲ್ಲಿದ್ದ ಅಮೆರಿಕಾದ ಕಾಡೆಮ್ಮೆಗಳ ಪ್ರಮಾಣ ಕ್ಷಿಣಿಸುತ್ತಿದೆ.

☀ ಈ ದಿನದ ಐಎಎಸ್ /ಕೆಎಎಸ್ ಪರೀಕ್ಷಾ ಪ್ರಶ್ನೆ : ☀★ ಅಳಿವಿನಂಚಿನ "ಸಿಂಹಬಾಲದ ಕೋತಿ" — ಟಿಪ್ಪಣಿ ಬರಹ (Endangered Spices- Lion-tailed Macaque )

☀ ಈ ದಿನದ ಐಎಎಸ್ /ಕೆಎಎಸ್ ಪರೀಕ್ಷಾ ಪ್ರಶ್ನೆ :

☀★ ಅಳಿವಿನಂಚಿನ "ಸಿಂಹಬಾಲದ ಕೋತಿ" — ಟಿಪ್ಪಣಿ ಬರಹ
(Endangered Spices- Lion-tailed Macaque )
━━━━━━━━━━━━━━━━━━━━━━━━━━━━━━━━━━━━━━━━━━━━━

★ ಪರಿಸರ ಅಧ್ಯಯನ
(Environmental Studies)


ಸಿಂಹಬಾಲದ ಕೋತಿಯನ್ನು ವಂಡೆರೂ ಎಂದೂ ಕರೆಯಲಾಗುತ್ತದೆ. ಇದು ದಕ್ಷಿಣ ಭಾರತದ ಪಶ್ಚಿಮ ಘಟ್ಟ ಪ್ರದೇಶದಲ್ಲಿ ಕಂಡುಬರುವ ಹಳೆಯ ತಲೆಮಾರಿನ ಕೋತಿ ಪ್ರಬೇಧವಾಗಿದೆ. ಇದು ಅಪರೂಪದ ಪ್ರಾಣಿ ಎಂದು ಎನಿಸಿಕೊಂಡಿದೆ.

ಸಿಂಹಬಾಲದ ಕೋತಿಯ ಕೂದಲುಗಳು ಕಡುಗಪ್ಪಾಗಿರುತ್ತವೆ. ಇದರ ಕೆನ್ನೆಯಿಂದ ಗಲ್ಲದವರೆಗೆ ಬೆಳ್ಳಿ ಬಿಳಿ ಬಣ್ಣ ಆವರಿಸಿರುವುದು ಈ ಕೋತಿಯ ವಿಶೇಷತೆಯಾಗಿದೆ. ಇದರಿಂದ ಜರ್ಮನಿಯಲ್ಲಿ ಇದನ್ನು ಬರ್ಟಾಫೆ ಅಂದರೆ ಗಡ್ಡದ ಆಪ್ ಎಂದು ಕರೆಯಲಾಗುತ್ತದೆ.

ಇದರ ಕೂದಲು ರಹಿತ ಮುಖ ಕಪ್ಪು ಬಣ್ಣದ್ದಾಗಿದೆ. ಇದರ ತಲೆ ಹಾಗೂ ದೇಹದ ಉದ್ದ ಸುಮಾರು 42 ರಿದ 61 ಸೆಂಟಿಮೀಟರ್ ಇರುತ್ತದೆ. ಈ ಕೋತಿ ಸಾಮಾನ್ಯವಾಗಿ 2 ರಿಂದ 10 ಕೆಜಿವರೆಗೂ ತೂಕವಿರುತ್ತದೆ. ಇದು ಚಿಕ್ಕ ಕಪಿಸಂತತಿಯ ಪ್ರಾಣಿ ಎನಿಸಿಕೊಂಡಿದೆ. ಇದರ ಬಾಲ ಮಧ್ಯಮ ಗಾತ್ರದ ಉದ್ದವನ್ನು ಹೊಂದಿದ್ದು, ಸುಮಾರು 25 ಸೆಂಟಿಮೀಟರ್ ಇರುತ್ತದೆ. ಕೊನೆಯಲ್ಲಿ ಕಪ್ಪು ಜವರಿಗಳನ್ನು ಹೊಂದಿದ್ದು, ಸಿಂಹದ ಬಾಲವನ್ನೇ ಹೋಲುತ್ತದೆ.

ಗಂಡು ಕೋತಿಯ ಬಾಲದ ಜವರಿಗಳು ಹೆಣ್ಣು ಕೋತಿಗಳ ಜವರಿಗಳಿಗಿಂತ ಹೆಚ್ಚು ನೀಳವಾಗಿರುತ್ತವೆ. ಇದರ ಗರ್ಭಧಾರಣೆ ಅವಧಿ ಸುಮಾರು ಆರು ತಿಂಗಳು. ಚಿಕ್ಕ ಮರಿಗಳನ್ನು ಒಂದು ವರ್ಷದ ವರೆಗೆ ಜತನದಿಂದ ಕಾಪಾಡಲಾಗುತ್ತದೆ. ಹೆಣ್ಣು ಕೋತಿಗಳು ನಾಲ್ಕನೇ ವರ್ಷದಲ್ಲಿ ಲೈಂಗಿಕ ಪ್ರಬುದ್ಧತೆ ಪಡೆಯುತ್ತವೆ. ಗಂಡುಕೋತಿಗಳು ಆರು ವರ್ಷದ ವೇಳೆಗೆ ಲೈಂಗಿಕ ಪ್ರಬುದ್ಧತೆ ಪಡೆಯುತ್ತವೆ. ಇದು ಸುಮಾರು 20 ವರ್ಷಗಳ ಕಾಲ ಬದುಕುತ್ತದೆ. ಆದರೆ ಪಂಜರದಲ್ಲಿ 30 ವರ್ಷ ವರೆಗೂ ಬದುಕಿದ ನಿದರ್ಶನಗಳಿವೆ.

ಭಾರತದ ವನ್ಯಜೀವಿ ಸಂರಕ್ಷಣಾ ಕಾಯ್ದೆ-1972 ಅನ್ವಯ ಸಿಂಹಬಾಲದ ಕೋತಿಯನ್ನು ಸಂರಕ್ಷಿತ ಪ್ರಬೇಧ ಎಂದು ವರ್ಗೀಕರಿಸಲಾಗಿದೆ.

ಭಾರತದ ಕೇಂದ್ರೀಯ ಮೃಗಾಲಯ ಪ್ರಾಧಿಕಾರ ವಂದಲೂರು ಮೃಗಾಲಯವನ್ನು ಸಿಂಹಬಾಲದ ಕೋತಿ ವಂಶಾಭಿವೃದ್ಧಿಯ ಸಮನ್ವಯ ಕೇಂದ್ರವಾಗಿ ಘೋಷಿಸಿದೆ.

ಇತ್ತೀಚೆಗೆ ತಮಿಳುನಾಡಿನ ವಂದಲೂರು ಅರಿಗ್ನಾರ್ ಅನ್ನಾ ಉದ್ಯಾನವನದಲ್ಲಿ ಸಿಂಹಬಾಲದ ಕೋತಿ ತಳಿಯ ವಂಶಾಭಿವೃದ್ಧಿಪಡಿಸುವ ಮೂಲಕ ಇತಿಹಾಸ ಸೃಷ್ಟಿಸಿದೆ.